ვან დერ სარი: რონალდუმ თქვა, რომ ის ზრუნავს დე ლიხტზე

აიაქსის აღმასრულებელმა დირექტორმა ედვინ ვან დერ სარმა ტვიტერზე იუვენტუსის თავდამსხმელთან, კრიშტიანუ რონალდუსთან ერთად გადაღებული ფოტო გამოაქვეყნა.

მანჩესტერ იუნაიტედის თანაგუნდელთა შეხვედრა მონაკოში შედგა, 2019/20 წლების ჩემპიონთა ლიგის ჯგუფური ეტაპის გათამაშებისას.

“მოხარული ვარ, რომ ვნახე ჩემი მეგობარი კრიშტიანუ მონაკოში. მისი თქმით ზრუნავს დე ლიხტზე და ის ამას მშვენივრად აკეთებს” – წერს ედვინ ვან დერ სარი.

დე ლიხტი იუვენტუსში აიაქსიდან 18 ივლისს გადავიდა. ჰოლანდიელი ფეხბურთელის ტრანსფერი იუვენტუსს 75+10.5 მილიონი ევრო დაუჯდა. აღნიშნულ თანხას ტურინული კლუბი 5 წლის ვადაში გადაიხდის.

ფეხბურთელმა კლუბთან 5 წლიან კონტრაქტს მოაწერა ხელი და კლუბში 2024 წლის ივნისამდე დარჩება. მისი ანაზღაურება წელიწადში 7,5 მილიონი ევრო იქნება, პრემიების სახით კი შეიძლება 12 მილიონ ევრომდე გაიზარდოს.