მთავარი / სიახლეები / ჯორჯო კიელინის ტრავმამ “იუვეს” გეგმები შეცვალა

ჯორჯო კიელინის ტრავმამ “იუვეს” გეგმები შეცვალა

ჯორჯო კიელინის მძიმე ტრავმამ „იუვენტუსის“ გეგმები შეცვალა. Tuttosport-ის ცნობით, „იუვე“ კაპიტანს ჩემპიონთა ლიგის ჯგუფური ეტაპის განაცხადში არ შეიყვანს.

საქმე ისაა, რომ კიელინი მარჯვენა მუხლის წინა ჯვარედინი იოგების დაზიანების გამო დაახლოებით 5-6 თვე იუქმებს, შესაბამისად, ჯგუფურ ეტაპზე მისი თამაში გამორიცხულია და განაცხადში შეყვანასაც აზრი არ აქვს.

ამან „იუვეს“ მონახაზი შეცვალა. ტურინელთა განკარგულება 4 ცენტრალური მცველი დარჩა – ლეონარდო ბონუჩი, მატიას დე ლიხტი, მერიჰ დემირალი და დანიელე რუგანი. ეს უკანასკნელი აქამდე გუნდიდან წასვლის კანდიდატად განიხილებოდა, მაგრამ ახლა სავარაუდოდ, სატრანსფერო ბაზრიდან მოიხსნება.

გარდა ამისა, სწორედ რუგანი დაიკავებს კიელინის ადგილს განაცხადში. როგორც მინიმუმ იანვრამდე დანიელეს ტურინში დარჩენა მოუწევს და კიდევ ერთ შანსს მიიღებს.

თუმცა, იგივე გამოცემა, არ გამორიცხავს მეორე ვარიანტსაც, რაც „ჯენოაში“ იჯარით მყოფი კრისტიან რომეროს უკან დაბრუნებას ეხება ვადაზე ადრე ან სატრანსფერო ბაზარზე გააქტიურებას „ბარსელონადან“ სამუელ უმტიტის შეძენას, რომელიც კატალონელთა გეგმებში არ ჯდება. ყველაფერი ორ დღეში ზუსტად გაირკვევა, რადგან სატრანსფერო ფანჯარა 2 სექტემბერს იხურება.

კიელინის კი, მტკივან ფეხზე ოპერაცია უახლოეს ხანებში ჩაუტარდება.

შემთხვევითი სიახლე

“იუვე” ტონალისთვის ბრძოლაში ფავორიტად რჩება

ტურინის „იუვენტუსი“ სანდრო ტონალისთვის ბრძოლაში ფავორიტად რჩება. მათ შორის უსწრებს „ინტერსაც“, რომელმაც ბოლო დროს ნიჭიერი …

მარკიონის მოსაზრება კულუსევსკის, დიბალას, რონალდუს, რუგანის შესახებ

კვირას, „იუვენტუსი“ „პარმას“ უმასპინძლებს. ამ მატჩის წინ Gazzetta Dello Sport-ი მარკო მარკიონის დაუკავშირდა და ინტერვიუ …

Leave a Reply

Your email address will not be published. Required fields are marked *