„იუვენტუსი“ თავდამსხმელ პაულო დიბალას ზამთრის სატრანსფერო ფანჯრის დროს დაემშვიდობება, ამის შესახებ ინფორმაციას Sky Sports-ი ავრცელებს.
წყაროს ცნობით, „ბებერი ქალბატონის“ მთავარი მწვრთნელი მაურიციო სარი დაჟინებით მოითხოვს არგენტინელის გაყიდვას. იტალიის ჩემპიონის მენტორი 25 წლის თავდამსხმელისთვის გუნდში ადგილს ვერ ხედავს, რადგან მიაჩნია, რომ ის მოედანზე შეუთავსებელია „იუვეს“ მთავარ ვარსკვლავთან კრიშტიანუ რონალდუსთან.
მიმდინარე სეზონში კლუბის დონეზე დიბალამ მიიღო მონაწილეობა სამ მატჩში, მთლიანობაში მოედანზე 96 წუთი გაატარა. თავდამსხმელმა თავი ეფექტური მოქმედებებით ვერ გამოიჩინა. ფეხბურთელის კონტრაქტი „იუვენტუსთან“ გაფორმებულია 2022 წლის ზაფხულამდე. დღეისთვის არგენტინელის სატრანსფერო ღირებულება 85 მილიონ ევროს შეადგენს.