რონალდუ: “საგანგაშო არაფერია”

ტურინის „იუვენტუსის“ თავდამსხმელმა კრიშტიანუ რონალდუმ „პარმასთან“ დუბლი შეასრულა და გოლებით კმაყოფილება გამოთქვა, მაგრამ შედეგით – არა. მიუხედავად ამისა, პორტუგალიელი მიიჩნევს, რომ საგანგაშო არაფერია.

„გოლებით კმაყოფილი ვარ, მაგრამ შედეგით – არა. ეს ფეხბურთია: ბოლო წუთებში უყურადღებოდ ვიყავით და „პარმამ“ ისარგებლა ჩვენი შეცდომებით. მძიმე სამუშაო? არა, არ ვფიქრობ, რომ ბოლოდროინდელი შედეგები ამის ბრალია. მშვიდად ვართ, არანაირი განგაში არ არსებობს. ყველას გვჯერა საკუთარი ძალის და ამ გუნდის, მისი ხარისხის, მწვრთნელისა და სტაფის. “იუვესთვის” შესანიშნავი წელი იქნება“, – თქვა რონალდუმ.

შეგახსენებთ, რომ „იუვენტუსი“ 22 ტურის შემდეგ „ნაპოლის“ 9 ქულით უსწრებს.