“იუვე” – “პარმა”: ფეხბურთელთა შეფასება

ტურინის „იუვენტუსმა“ „პარმასთან“ (3:3) მორიგი წარუმატებელი მატჩი ჩაატარა და კრიტიკის ობიექტი ერთი კვირის განმავლობაში მეორედ გახდა. გთავაზობთ ფეხბურთელთა შეფასებებს Calciomercato-ს ვერსიით:

პერინი 6 – დასაწყისში სწორედ მისი წყალობით გადარჩა „იუვე“ კიდევ ერთ წარუმატებელ დასაწყისს.

კანსელუ 5.5 – ხარისხის მანევრირებას ახდენდა, დუგლას კოშტასთან შეთამაშებაც იგრძნობოდა, მაგრამ პოტენციურად შედეგი ვერ გამოიღო. დაცვაში კი ვერაფერი გააკეთა.

რუგანი 5 – დაცვისთვის უნდა ელიდერა, თუმცა ამ დაცვამ სამი გოლი გაუშვა. გატანილი გოლი აღარ მოქმედებს, რადგან ჟერვინიოს ორივე გოლში მისი დანაშაული დიდია.

კასერესი 5 – ერთი ტაიმი კარგად ჩაატარა. მაგრამ შემდეგ ინგლეზემ მოედნიდან გააქრო.

სპინაცოლა 5 – შეტევაში ცდილობდა კარგად ჩართვას, მაგრამ სამივე გოლი მისი ფლანგიდან გავიდა.

ხედირა 6 – ორჯერ ძელს მოარტყა ბურთი, ერთხელ სეპემ აჯობა. გოლი საჭირო იყო მისთვის, მერე კი, პირველ გოლზე ბარილა დაკარგა.

ბენტანკური შ.გ – ურუგვაელმა 10 წუთი ითამაშა.

პიანიჩი 5.5 – როდესაც ბურთი ჰქონდა ბევრად უკეთესი იყო, მაგრამ მეორე ტაიმში ისიც გაურკვევლობაში იმყოფებოდა.

მატუიდი 6 – 2019 წლის საუკეთესო თამაში. რონალდუს საგოლე პასი გაუკეთა, თუმცა სარგებლიანი მხოლოდ ეს იყო.

დუგლას კოშტა 6 – ერთ-ერთი, რომელიც ყველაზე კარგ ფორმაშია. თუმცა, შესვენებაზე შეცვალეს, რადგან მუხლში დისკომფორტს გრძნობდა.

ბერნარდესკი 5 – ვერ ითამაშა მაღალ დონეზე, მერე კი, ტრავმაც მიიღო.

ემრე ჯანი შ.გ – გერმანელმა ბერნარდესკი შეცვალა. ბოლო გოლზე დააგვიანა დაზღვევა.

მანჯუკიჩი 6.5 – რონალდუსთან ერთად საუკეთესო. ბოლო გოლის დროს ისიც შეცდა მისი არაზუსტი მოქმედებით დაიწყო საგოლე შეტევა.

რონალდუ 7 – სერია A-ს ზედიზედ მეხუთე შეხვედრაში გაიტანა, მანჯუკიჩთან ერთად შესნიშნავად თამაშობდა.