მთავარი / სიახლეები / რა ნომრით ითამაშებს ბუფონი და დაიბრუნებს თუ არა კაპიტნობას? – ჯიჯიმ კითხვებს უპასუხა

რა ნომრით ითამაშებს ბუფონი და დაიბრუნებს თუ არა კაპიტნობას? – ჯიჯიმ კითხვებს უპასუხა

ჯანლუიჯი ბუფონმა „იუვენტუსში“ დაბრუნების შემდეგ მედიის წარმომადგენლებთან პირველი კომენტარი გააკეთა. 41 წლის მეკარის განცხადებით, გუნდის კაპიტანი ისევ ჯორჯო კიელინი იქნება, ხოლო 1 ნომრით კვლავ ვოიცეხ შჩესნი ითამაშებს.

„პარმაში“ ამ გუნდის ისტორიის გამო 77 ნომერი ავირჩიე. ამ ნომერმა იღბალი მომიტანა, შესანიშნავი სეზონი ჩავატარე და შემდეგ „იუვენტუსში“ გადავედი. ვფიქრობ, რომ სწორედ 77 ნომრით ვითამაშებ. ძალიან მადლიერი ვარ კიელინისა და შჩესნის, მათ შემომთავაზეს კაპიტნის სამკლავური და პირველი ნომერი, მაგრამ გუნდის პირველი მეკარე უნდა იყოს 1 ნომერი და დარჩება მასთან, ხოლო ჯორჯო ჩემთვის ძმასავითაა და კაპიტნობა მას დარჩება.

ჩემი მიზანია ვიყო ყოველთვის მზად. ძირითადი მეკარე ვოიცეხი იქნება და მე მზად უნდა ვიყო მის შესაცვლელად ნებისმიერ მომენტში. ჩემპიონთა ლიგა? რა თქმა უნდა, ეს არის თასი, რომელიც სტიმულს მაძლევს, მაგრამ მხოლოდ მის მოგებაზე არ ვფიქრობ, ეს პირველი ნაბიჯი იქნებოდა შეცდომისკენ. ფინალამდე 10 მნიშვნელოვანი თვეა გასავლელი.

სკუდეტოსთვის ბრძოლა? ცხადია, კონტეს მისვლით „ინტერი“ სერიოზული კანდიდატი გახდა, მაგრამ ივლისში პროგნოზი ნაადრევია“, – თქვა ბუფონმა.

აქვე გეტყვით, რომ ბუფონი 77 ნომრით „პარმაში“ 2000-2001 წლების სეზონში თამაშობდა.

შემთხვევითი სიახლე

ბრემერი: “ჩვენ 56 ქულა გაქვს, უფრო სწორად 58”

ტურინის „იუვენტუსის“ მცველმა გლეისონ ბრემერმა „ინტერთან“ გამარჯვების (1:0) შემდეგ ისაუბრა. როგორც მან თქვა, „იუვემ“ მოედანზე …

მაროკი: “იუვეს” ნახევარდაცვამ “ინტერის” ნახევარდაცვას 3:0 მოუგო”

ვეტერანმა ფეხბურთელმა ჯანკარლო მაროკიმ „ინტერი“ – „იუვენტუსის“ მატჩის (0:1) შესახებ ისაუბრა. როგორც მან აღნიშნა, დიდი …

Leave a Reply

Your email address will not be published. Required fields are marked *