ოფიციალურად: ბუფონი “იუვენტუსის” ფეხბურთელია

ახლა უკვე ოფიციალურად ჯანლუიჯი ბუფონი „იუვენტუსში“ დაბრუნდა. „ბებერი სინიორას“ ვებგვერდმა კონტრაქტის გაფორმება ოფიციალურად დაადასტურა.

ჯიჯისა და „იუვეს“ ურთიერთობა ფეხბურთელის რანგში 2020 წლის 30 ივნისამდე გაგრძელდება. შემდეგ კი, ლეგენდარული კიპერი კლუბის სტრუქტურაში დასაქმდება.

„მინდა კიდევ ერთხელ მოგესალმოთ. ძალიან ბედნიერი ვარ, რომ სახლში დავბრუნდი და მომეცა შესაძლებლობა ისევ ჩაგეხუტოთ. ეს ჩემი ცხოვრების ერთ-ერთი ულამაზესი დღეა. დღეს ჩემთვის დადასტურდა, რომ ცხოვრება წარმოუდგენელია და სავსეა ოცნებებით“, – თქვა ბუფონმა.

შეგახსენებთ, რომ ბუფონი „იუვეში“ 2001-2018 წლებში თამაშობდა და 656 შეხვედრაში მიიღო მონაწილეობა.