“პარმას” ქომაგები ბუფონს: “მოღალატე ხარ”

ჯანლუიჯი ბუფონი ერთწლიანი პაუზის შემდეგ „იუვენტუსს“ დაუბრუნდა. პარმაში, „ენიო ტარდინიზე“, სადაც ჯიჯიმ კარიერის საწყისი 6 სეზონი გაატარა. ბუფონს ამ მატჩში არ უთამაშია, მაგრამ ყურადღება მაინც მიიპყრო.

„პარმას“ ტიფოზების დაჯგუფება იტალიელი კიპერის წინააღმდეგ გამოვიდნენ, ტრიბუნაზე ბანერი გამოფინეს და მოღალატე უწოდეს.

„მოღალატე ღირსების გარეშე. ამოიღეთ ჩვენი ნომრიდან შენი სახელი“.

ტიფოზებმა ის ფაქტი გააპროტესტეს, რომ ბუფონმა “იუვენტუსში” 77-ნომრიანი მაისური აირჩია, რომლითაც ერთი წელი “პარმას” ღირსებას იცავდა.

შეგახსენებთ, რომ “იუვენტუსმა” “პარმა” ჯორჯო კიელინის ერთადერთი გოლით დაამარცხა და სეზონი გამარჯვებით დაიწყო.

La curva del #Parma sacó una pancarta contra Buffon por utilizar el 77 (año de fundación del grupo organizado) en su nueva aventura en la #Juventus: “Traidor sin honor, quita nuestro número de tu nombre” pic.twitter.com/wwwflYy1xa

— Mario Gago Huerta (@gago_mario) August 24, 2019