მთავარი / სიახლეები / მარტუშიელო: “სეზონი გრძელია და ყველა ფეხბურთელი საჭიროა”

მარტუშიელო: “სეზონი გრძელია და ყველა ფეხბურთელი საჭიროა”

ტურინის „იუვენტუსის“ მთავარი მწვრთნელის ასისტენტმა ჯოვანი მარტუშიელომ, რომელმაც გუნდს „პარმასთან“ უხელმძღვანელა, კომენტარი გააკეთა. იტალიელი სპეციალისტი კმაყოფილი დარჩა შედეგით და გუნდის მიერ ნაჩვენები თამაშითაც, განსაკუთრებით, პირველ ტაიმში.

„იგუაინი და არა დიბალა? ეს იყო არჩევანი, რომელიც გაკეთდა გამოცდილების კუთხით, რომელიც გააჩნია გონსალოს ცენტრფორვარდის პოზიციაზე. „პიპიტა“ ბოლო დღეებში გაიზარდა. მთლიანობაში დიბალა და იგუაინი ჩვენთვის ერთნაირად მნიშვნელოვანია. არჩევანი კეთდება მეტოქიდან გამომდინარე და დაფუძნებულია ტექნიკურ მახასიათებლებზე. სეზონი გრძელია და ყველა ფეხბურთელი საჭიროა.

კარგად ვითამაშეთ, განსაკუთრებით დაცვით ფაზაში, ისევე როგორც ნახევარმცველებმა მეტოქის შეტევების ჩაშლის დროს. პირველი ტაიმი უკეთესი იყო, შესანიშნავად ჩავატარეთ და შეგვეძლო კიდევ გაგვეტანა. პირველი თამაში ყოველთვის აჩნეს კითხვებს და ამიტომ, ბედნიერები ვართ, რომ სამი ქულა მოვიპოვეთ.

სარისთან კონტაქტი მქონდა შესვენებაზე, მატჩის დასრულების შემდეგ და მატჩის დაწყებამდე. კმაყოფილი იყო შედეგით“, – თქვა მარტუშიელომ.

შეგახსენებთ, რომ „იუვენტუსმა“ „პარმა“ ჯორჯო კიელინის გოლით დაამარცხა და სეზონი გამარჯვებით დაიწყო.

შემთხვევითი სიახლე

“იუვეს” ძირითადი შემადგენლობა “ჯენოასთან”

ტურინის “იუვენტუსი” დღეს იტალიის სერია A-ს 29-ე ტურში სტუმრად “ჯენოას” დაუპირისპირდა. მაურიციო სარიმ დღეისთვის ასეთი …

ანდრეა პირლო “იუვეს” 23-წლამდე გუნდს გაწვრთნის

ანდრეა პირლო „იუვენტუსში“ ბრუნდება და 23-წლამდე გუნდის მთავარ მწვრთნელად მომდევნო სეზონიდან იმუშავებს. ინფორმაციას გავლენიანი გამოცემა …

Leave a Reply

Your email address will not be published. Required fields are marked *