მანჩესტერ იუნაიტედი უარს ამბობს პაულო დიბალაზე

როგორც იტალიური წყაროები იუწყებიან, პაულო დიბალა ორშაბათიდან იუვენტუსთან ერთად ვარჯიშს განაახლებს. მანჩესტერი აღიარებს მარცხს.

დიბალას მოთხოვნებმა (ხელფასი 12 მილიონი ევროს ოდენობით, პლუს ბონუსები და 15 მილიონი ევრო საკომისიო თავისი აგენტისთვის) საბოლოოდ ხელი შეუშალა შეთანხმების მიღწევას.

იტალიური წყაროების ცნობით პაულო ხვალ კონტინასას საწვრთნელ ბაზაზე მწვრთნელ მაურიციო სარისთან ერთად შეუდგება მუშაობას. კოპა ამერიკაზე მონაწილეობის გამო ის და ალექს სანდრო ხანგრძლივ შვებულებაში იმყოფებოდნენ.

სხვადასხვა წყაროს ინფორმაციით, დიბალამ თავის აგენტს შეატყობინა, რომ არ სურს მანჩესტერში გადასვლა. როგორც ჩანს, მესიჯი ადრესატამდე მივიდა.

Daily Telegraph-ის, BBC Sport-ის და Sky Sports UK-ს ცნობით, მანჩესტერმა აღიარა მარცხი და შეწყვიტა მოლაპარაკებები.

ახლა გასარკვევი რჩება, მოახდენს თუ არა ეს გავლენას ლუკაკუსთან შეთანხმებაზე, რომლის გადმობირებას იუვენტუსი და ინტერი ცდილობენ.