მარიო მანჯუკიჩმა მანჩესტერთან კონტრაქტის პირადი დეტალები შეათანხმა

ტურინის იუვენტუსის თავდამსხმელმა მარიო მანჯუკიჩმა კონტრაქტის პირადი დეტალები მანჩესტერ იუნაიტედთან უკვე შეათანხმა, ამის შესახებ ინფორმაცია La Gazzetta dello Sport-ის ჟურნალისტი ნიკოლო სკირა ავრცელებს.

ხელშეკრულების პირობების თანახმად, მარიო ინგლისელებთან 2 წლიან კონტრაქტს მოაწერს ხელს, ერთი წლის გახანგრძილივების ვარიანტით. 33 წლის ხორვატი წელიწადში ხელფასის სახით 6 მილიონ ევროს მიიღებს.

მხარეთა შეთანხმების შესახებ ინფორმაციას ასევე Daily Mail ავრცელებს. ბრიტანული გამოცემის თანახმად, მარიოს ხელფასი წელიწადში 6,2 მილიონი ევრო იქნება.

გასულ სეზონში მარიო მანჯუკიჩმა სერია ა-ში 25 მატჩი ჩაატარა, 9 გოლი გაიტანა და 7 საგოლე გადაცემა გაიფორმა.