მაკკენის სახლში წვეულება მოაწყვეს და იქ “იუვეს” სამი ფეხბურთელი იყო

ტურინის „იუვენტუსის“ ფეხბურთელები ვესტონ მაკკენი, არტური და პაულო დიბალა უსიამოვნო სკანდალში გაეხვნენ.

ამერიკელმა ფეხბურთელმა საკუთარ ვილში წვეულება მოაწყო, რაც კოვიდ-რეგულაციებიდან გამომდინარე აკრძალული იყო და წესები დაარღვია. La Stampa-ს ინფორმაციით, საქმე იქამდეც მივიდა, რომ ადგილზე კარაბინიერები მივიდნენ. პოლიციას აშკარად ვიღაცამ აცნობა, რომ კოვიდ-რეგულაციები დაირღვა.

როგორც გაირკვა, წვეულებაზე 20-დე ადამიანი იმყოფებოდა, მათ შორის, სამი ფეხბურთელი: თვითონ მაკკენი, არტური და დიბალა.

სამივე მათგანს ფინანსური ჯარიმა ელოდება, როგორც იტალიის ხელისუფლებისგან, ისე კლუბისგან.