პაულო დიბალა ტურინში დაბრუნდა, მაგრამ საწვრთნელი ბაზის ნაცვლად პირდაპირ სახლში გაეშურა. იტალიური მედიის ცნობით, არგენტინელი დაისვენებს და შემდეგ მაურიციო სარის შეხვდება.
La Joya-ს „იუვეში“ წინასასეზონი ტრადიციული სამედიცინო შემოწმებაც არ გაუვლია. საერთოდ, მას შვებულება 5 აგვისტომდე ეკუთვნის და თუ მანამდე ტრანსფერი დაიხურა, „ბებერ ქალბატონს“ ისე დატოვებს, რომ არც სამედიცინო გამოკვლევას ჩაიტარებს და აღარც გუნდთან ერთად ივარჯიშებს.
წინ კი მაურიციო სარისთან შეხვედრაა, სადაც ყველაფერი თუ არა, ბევრი რამ გაირკვევა. ახლა ცნობილი მხოლოდ ისაა, რომ პაულოს „იუვენტუსში“ დარჩენის შანსი 1%-ს უტოლდება…