იკარდი: “ან “იუვენტუსი”, ან არაფერი”

მილანის „ინტერის“ თავდამსხმელმა მაურო იკარდიმ თავის მომავალთან დაკავშირებით გადაწყვეტილება მიიღო. რომელუ ლუკაკუს შესაძლო ტრანსფერი არგენტინელის „იუვენტუსში“ გადასვლას ართულებს, თუმცა ეს იკარდის არ აფრთხობს.

Gazzetta Dello Sport-ის ცნობით, ფეხბურთელს „რომაში“ ან „ნაპოლიში“ გადაბარგება არ უნდა. შესაბამისად, გადაწყვეტილებაც მიიღო: ან „იუვენტუსში“ გადავა, ან „ინტერში“ დარჩება.

მოგეხსენებათ, იკარდის „ინტერის“ ბოსებმა საჯაროდ უთხრეს, რომ მათ გეგმებში არ ჯდება. „იუვე“ კი ყველაზე რეალური ვარიანტი იყო მანამ, სანამ ჰორიზონტზე რომელუ ლუკაკუ გამოჩნდებოდა.