სამპდორიას პრეზიდენტი რონალდუს გოლზე: ის ყვითელ ბარათს იმსახურებდა

სამპდორიას პრეზიდენტმა მასიმო ფერერომ იუვენტუსის თავდამსხმელის, კრიშტიანო რონალდუს გოლზე ხუმრობით ისაუბრა.

პორტუგალიელმა ფეხბურთელმა სამპდორიასთან მატჩში ულამაზესი გოლი გაიტანა, რომელიც იუვენტუსის გამარჯვებით ანგარიშით 1-2  დასრულდა. რონალდუმ დარტყმა 2.56 მეტრ სიმაღლიდან განახორციელა ამისთვის მას  71 სანტიმეტრზე ახტომა მოუწია.

“მინდა ვთქვა, რომ რონალდუ ყვითელ ბარათს იმსახურებდა. მან თვითმფრინავი ჩამოაგდო!. კრიშტიანუ რონალდუმ მოიგო მატჩი, მაგრამ ჩემმა ბიჭებმა კარგად ითამაშეს.” – განაცხადა მასიმო ფერერომ.