რონალდუს გოლი და საგოლე პასი ზედიზედ სამჯერ

კრიშტიანუ რონალდუმ ზედიზედ სამ შეხვედრაში მოახერხა გოლის გატანა და საგოლე პასის გაკეთება. ასეთი რამ პორტუგალიელის კარიერაში მეორედ მოხდა. პირველად 2014 წელს, როდესაც „რეალის“ ღირსებას იცავდა და მეორედ ახლა – „იუვენტუსში“.

კრიშტიანუმ გოლისა და შედეგიანი გადაცემის შესრულება მიჯრით „პარმასთან“, „სასუოლოსთან“ და „ფროზინონესთან“ დაპირისპირებებში შეძლო.

34 წლის ფეხბურთელის ანგარიშზე სერია A-ში ამ დროისთვის 19 გოლი და 8 საგოლე გადაცემაა.