რონალდუ ტურინში სამშაბათს დაბრუნდება

ტურინის „იუვენტუსის“ ფეხბურთელის, კრიშტიანუ რონალდუს თითქმის ორთვიანი კარანტინი მადეირაზე დასასრულს მიუახლოვდა.

პორტუგალიური მედიის ცნობით, რონალდუ სამშაბათ საღამოს ტურინში კერძო თვითმფრინავით ჩაფრინდება.

შეგახსენებთ, რომ რონალდუ 8 მარტიდან იტალიაში აღარ იმყოფება. ქვეყნის პრემიერმინისტრის განკარგულებით იტალიაში 4 მაისიდან ინდივიდუალური, ხოლო 18 მაისიდან გუნდური ვარჯიშები განახლდება.