ივან რაკიტიჩი „ბარსელონას“ ტოვებს. Sport-ის ინფორმაციით, ხორვატი უკმაყოფილოა კლუბში თავისი როლით და მცირე სათამაშო პრაქტიკით.
წყარო იმასაც წერს, რომ რაკიტიჩმა უკვე გააკეთა არჩევანი და ტურინის „იუვენტუსში“ გადასვლა იანვარში სურს. ახლა ყველაფერი გუნდებზეა დამოკიდებული.
„ბარსელონა“ 35 მილიონ ევროს ითხოვს და ამიტომ, შესაძლოა გარიგებაში ემრე ჯანიც ჩართონ, რომლის მიმართ ესპანური გუნდი დაინტერესებულია.
შეგახსენებთ, რომ 31 წლის რაკიტიჩი „იუვენტუსთან“ ახლოს ზაფხულშიც იყო, მაგრამ მაშინ „იუვენტუსმა“ ფედერიკო ბერნარდესკიში მისი გაცვლა იუარა.