პარატიჩიმ რონალდუს ტრანსფერის დეტალებზე ისაუბრა

ტურინის „იუვენტუსის“ გენერალურმა დირექტორმა ფაბიო პარატიჩიმ იტალიურ მედიასთან კრიშტიანუ რონალდუს ტრანსფერი კიდევ ერთხელ გაიხსენა და განაცხადა, რომ ამის შესახებ ჟორჟე მენდეშმა აცნობა.

„როდესაც მენდესს კანსელუს თაობაზე შევხვდი, მეუბნება: არ დაიჯერებ, მაგრამ კრიშტიანუს „იუვეში“ გადმოსვლა უნდა“. მე კი ვუპასუხე: „დიახ, მჯერა, მაგრამ ეს ძალიან რთული იქნება.

ჩემს შვილს ყოველთვის უნდოდა რონალდუს მაისური. პორტუგალიაში ვიყავით, სადაც ბავშვის მაისური ვიყიდეთ კიდეც. ის მეუბნებოდა: „მამა, რატომ არ ყიდულობთ რონალდუს? მაგრამ მე ვპასუხობდი, რომ ეს შეუძლებელი იყო. შემდეგ, როდესაც ეს ყველაფერი მოხდა, მითხრა: „მამა, შენ მითხარი, რომ ეს შეუძლებელი იყო“. ამაზე პასუხი არ გამიცია, რადგან არ მქონდა“, – განაცხადა პარატიჩიმ.