ტურინის „იუვენტუსის“ სპორტულმა დირექტორმა ფაბიო პარატიჩიმ კომენტარი კრიშტიანუ რონალდუს შესახებ გააკეთა. გარდა ამისა, მარიო მანჯუკიჩის ირგვლივ არსებულ ვითარებაზეც ისაუბრა.
„კრიშტიანუ რონალდუ მსოფლიოს საუკეთესო ფეხბურთელია, ალბათ, ისტორიაშიც იმიტომ, რომ უამრავი ტიტული მოიგო და რეკორდი დაამყარა. მას აქვს უდიდესი ენთუზიაზმი და ვარჯიშის ყველა ტიპის დიდი დურვილი.
მარიო მანჯუკიჩი? ჩვენ ვსაუბრობთ მასთან და საუკეთესო გამოსავალს ვეძებთ. ჩვენ ყველა არჩევანისთვის და გამოსავლისთვის მზად ვართ, როგორც აქ დარჩენისთვის, ისე წასვლისთვის“, – თქვა პარატიჩიმ.
შეგახსენებთ, რომ მარიო მანჯუკიჩს მიმდინარე სეზონში არათუ არ უთამაშია, არამედ თვეზე მეტია გუნდთან ერთად აღარ ვარჯიშობს.