„იუვენტუსის“ თავდამსხმელ კრიშტიანუ რონალდუს აგენტმა ჟორჟე მენდეშმა განაცხადა, რომ მისი კლიენტის თავის დროზე მხოლოდ სერ ალექს ფერგიუსონს სჯეროდა.
„ყოველთვის ვფიქრობდი, რომ ტრანსფერში გადამწყვეტი მწვრთნელი იყო და რონალდუ ამის ნათელი მაგალითია. 2003 წელს მისი აყვანა ყველას უნდოდა, ოღონდ მხოლოდ იჯარით. მხოლოდ ფერგიუსონს სურდა, რომ მისთვის სრულფასოვანი კონტრაქტი გაეფორმებინა. მეც ვფიქრობდი, რომ ეს საუკეთესო გამოსავალი და „მანჩესტერი“ კრიშტიანუსთვის იდეალური გუნდი იყო“, – აღნიშნა მენდეშმა.
შეგახსენებთ, რომ რონალდუ „მანჩესტერში“ 2003 წლის ზაფხულში „სპორტინგიდან“ გადავიდა.