ტურინის „იუვენტუსმა“ სატრანსფერო ფანჯრის დახურვამდე შემადგენლობის გაფილტვრა უნდა მოახერხოს. იტალიური მედიის ცნობით, ამ დროისთვის გუნდიდან წასვლის ყველაზე რეალური კანდიდატები ბლეზ მატუიდი, დანიელე რუგანი და მარიო მანჯუკიჩი არიან.
მას შემდეგ, რაც სამი ხედირას გუნდში დარჩენა პრაქტიკულად გადაწყდა, მატუიდისთვის ტურინში ადგილი აღარ დარჩა. ფრანგს ყველაზე მეტად „მონაკოს“ უკავშირებენ.
იგივე ვითარებაა დანიელე რუგანის შემთხვევაშიც. დაცვის ცენტრში დანიელესთვის ადგილი პრაქტიკულად აღარ დარჩა, ხოლო მისთვის აწ ნახსენები „მონაკო“ და „რომა“ იბრძვიან.
რაც შეეხება მარიო მანჯუკიჩს, მისთვისაც რთული იქნება მაურიციო სარის ხელში სტაბილურად სასტარტოში თამაში. ხორვატს გერმანიაში, „ბაიერნსა“ და „დორტმუნდს“ უკავშირებენ.