მათეუსი: “ხამესმა მითხრა, რომ რონალდუ “იუვენტუსში” ეპატიჟება”

ლეგენდარულმა გერმანელმა ფეხბურთელმა ლოთარ მათეუსმა განაცხადა, რომ კრიშტიანუ რონალდუს ხამეს როდრიგესის „იუვენტუსში“ წაყვანა აქვს განზრახული. როგორც მათეუსმა თქვა, ხამესთან ამ საკითხზე ისაუბრა და კოლუმბიელმა თავად ამცნო ამის შესახებ.

„ხამესი კრიშტიანუ რონალდუსთან ძალიან ახლოსაა. მასთან ვისუაბრე და მითხრა, პორტუგალიელს უნდა ტურინში წაიყვანოს. ხამესთან ყველა საკითხზე ვისაუბრე, მათ შორის, კოლუმბიაზე და ფეხბურთის ისტორიზე. ის ფეხბურთელია, რომელიც კრიშტიანუს ბურთს მიაწვდის და ერთად დიდი წარმატების მიღწევა შეუძლიათ“, – თქვა მათეუსმა.

შეგახსენებთ, რომ ხამესს “ბაიერნთან” ორწლიანი იჯარა დაუსრულდა და “რეალში” დაბრუნდა. თუმცა, მადრიდელები მიმდინარე ზაფხულს კოლუმბიელის გაყიდვას გეგმავენ.