იტალიის 21 წლამდე ნაკრების კაპიტანი და „უდინეზეს“ ნახევარმცველი როლანდო მანდრაგორა ტურინის „იუვენტუსში“ დაბრუნებას მიზნად ისახავს.
22 წლის ფეხბურთელის განცხადებით, ეს მისი მთავარი მიზანია:
„იუვე“? ყოველდღე ვმუშაობ, რომ მნიშვნელოვანი ფეხბურთელი ვიყო. ახლა მთელი ჩემი ყურადღება „უდინეზესკენაა“ მიმართული, რომელმაც ჩემში ინვესტიცია მოახდინა. თუმცა, „იუვენტუსში“ დაბრუნება ჩემი მთავარი ამოცანაა, რადგან მსოფლიოს გამორჩეული გუნდია და ეს სურვილი ნორმალურია“, – თქვა მანდრაგორამ.
როლანდო მანდრაგორა „იუვენტუსმა“ „ჯენოადან“ იყიდა, მაგრამ შარშან „უდინეზეში“ გაასხვისა. თუმცა, ტურინელებს ნიჭიერი ფეხბურთელის გამოსყიდვის უპირატესობა გააჩნიათ თუ ამის სურვილი ორივე მხარეს ექნება.