Juventus.Ge ტურინის იუვენტუსის ქართული ფან კლუბი
ტურინის „იუვენტუსი“ ამ ეტაპზე მთლიანად მატის დე ლიხტის ტრანსფერზეა გადართული, ამიტომაც ფედერიკო კიეზას შესახებ ინფორმაციის გავრცელებამ უკანა პლანზე გადაიწია.
თუმცა, Sky Sport-ის ცნობით, იტალიელ ფეხბურთელს „ფიორენტინაში“ დარჩენა არ სურს და ტურინში გადაბარგების სურვილს გამოთქვამს. ამის შესახებ კიეზა კლუბის ახალ პრეზიდენტ როკო კომისოსაც გაესაუბრება.
აღსანიშნავია, რომ თავად კომისომ რამდენიმე დღის წინ გამორიცხა კიეზას ამ ზაფხულს გაყიდვა და თქვა, რომ მას 100 მილიონ ევროდაც არ შეელეოდა.
თუმცა, ფეხბურთელის ნება-სურვილმა შესაძლოა სიტუაცია რადიკალურად შეცვალოს.
