Juventus.Ge ტურინის იუვენტუსის ქართული ფან კლუბი
მატის დე ლიხტის ტრანსფერზე გადაწყვეტი საათებია – წერს Tuttosport-ი. „აიაქსის“ კაპიტანი „იუვენტუსთან“ ძალიან, ძალიან ახლოსაა და გაიზარდა შეთავაზებაც. ტურინელებმა ამსტერდამელებს 67 მილიონი ევრო და ბონუსები შესთავაზეს.
ეს ჯერ კიდევ არ არის ჰოლანდიელთა მოთხოვნილი 75 მილიონი ევრო, მაგრამ მაზანდასთან ძალიან ახლოსაა.
ხვალ „აიაქსი“ ავსტრიულ შეკრებაზე გაემგზავრება და დე ლიხტი იმედოვნებს, რომ თავად ტურინისკენ აიღებს გეზს. მატისს იტალიაში ამ შაბათ-კვირას ან დამდეგ კვირაში ელოდებიან. ყოველშემთხვევაში, ეს გადაწყვეტილია და მხოლოდ დროის საკითხია.
ამსტერდამში ფეხბურთელთან გამოსამშვიდობებლად ყველაფერი მზადაა.
