ტურინის „იუვენტუსის“ კაპიტანმა ჯორჯო კიელინიმ სოციალურ ქსელის მეშვეობით მადლობა გადაუხადა იმ ადამიანებს, რომლებმაც გაამხნევეს.
„მადლობა ჩემს გუნდს, რომელმაც გუშინ ამ გამარჯვებით დამასაჩუქრა. მადლობა ყველა ჩემს გულშემატკივარს და ადამიანებს, რომლებმაც გამამხნევეს. მადლობა ბევრ მოწინააღმდეგეს, რომლებმაც გამაკვირვეს სასიამოვნო მესიჯებით.
და მადლობა ბედს, რომელმაც გამიჩინა მშვენიერი გამოწვევა, მე დიდი ენთუზიაზმით ვცხოვრობ და ცხადია, ეს იქნება კიდევ ერთი მოგებული ბრძოლა!!! Finoallafine”, – დაწერა კიელინიმ სოციალურ ქსელში.
მოგეხსენებათ, ჯორჯომ მარჯვენა მუხლის წინა ჯვარედინი იოგები დაიზიანა და საოპერაციოა. კიელინის თამაში 2021 წლამდე პრაქტიკულად გამორიცხულია. ვეტერან ფეხბურთელს ოპერაცია უახლოეს დღეებში ჩაუტარდება.