ტურინის „იუვენტუსის“ ბანაკიდან ცუდი ამბავია. ჯორჯო კიელინიმ დღევანდელ ვარჯიშზე მარჯვენა მუხლის ტრავმა მიიღო. კერძოს, მუხლის წინა ჯვარედინი იოგის დაზიანება აღენიშნება.
ყველაზე ცუდი ისაა, რომ კაპიტნის დაზიანება სერიოზულია და შესაძლოა უქმობა ხანგრძლივი დროით მოუწიოს. ჯერჯერობით უცნობია ზუსტად რა პერიოდის გაცდენა მოუწევს, მაგრამ დიდი ალბათობით, მოედანზე რამდენიმე თვე ვერ გავა (შესაძლოა 2020 წლამდე ვერ ითამაშოს).
სამედიცინო გამოკვლევის შემდეგ ზუსტი სურათი გახდება ცნობილი, ხოლო ოპერაცია უახლოეს დღეებში ჩაუტარდება.