ტურინის „იუვენტუსი“ ნახევარმცველი სამი ხედირა გუნდიდან წასვლის რეალური კანდიდატი რომ გახლავთ, ამის შესახებ აქამდეც არაერთხელ გიამბეთ. გერმანელი ფეხბურთელი დღეს ლონდონში იმყოფებოდა, სადაც „არსენალისა“ და „ლიონის“ ამხანაგურ მატჩს დაესწრო.
იტალიური მედიის ცნობით, ეს შესაძლოა სატრანსფერო სიახლებს უკავშირდებოდეს და გერმანელმა მომავალი კლუბი მოინახულა – „არსენალი“.
ადრიენ რაბიოსა და აარონ რემზის ტრანსფერების შემდეგ ხედირას ბარგი პრაქტიკულად ჩალაგებული აქვს.
გერმანელს „ფენერბახჩე“ და ფლორენციის „ფიორენტინაც“ ეპატიჟებიან, თუმცა როგორც ჩანს თავად არჩევანს „არსენალზე“ შეაჩერებს.