ხამესის მამა: “იუვენტუსი” ჩვენთვის პრიორიტეტული ვარიანტია”

მადრიდის „რეალის“ საკუთრებაში მყოფი ხამეს როდრიგესი, რომელიც იჯარით მიუნხენის „ბაიერნში“ თამაშობს, „იუვენტუსს“ უახლოვდება. კოლუმბიელის მამა უილსონ როდრიგესი საჯაროდ აცხადებს, რომ პრიორიტეტი ტურინულ გუნდში გადასვლა იქნება.

„ხამესი და რონალდუ მეგობრები არიან. ჩვენ ბევრი წინადადება გვაქვს, მაგრამ „იუვენტუსი“ პრიორიტეტული ვარიანტია“, – განაცხადა მან Gazzetta Dello Sport-თან საუბარში.

აქვე გეტყვით, რომ ხამესმა მიმდინარე სეზონში 16-ჯერ დაიცვა „ბაიერნის“ ღირსება, 3 გოლი გაიტანა და 2 საგოლე პასი მიითვალა.