“იუვეს” ქომაგები: “მოღალატე კონტეს ვარსკვლავი ჩაანაცვლეთ მარკიზიოს ვარსკვლავით!”

ტურინის „იუვენტუსის“ გულშემატკივრები ანტონიო კონტეს მოღალატეს უწოდებენ და მისი ვარსკვლავის „ალიანც სთედიუმიდან“ აღებას მოითხოვენ.

სერია A-ს პირველ ტურში „ინტერის“ გოლებს კონტე ძალიან ემოციურად აღნიშნავდა, რამაც იუვენტინოების მორიგი გაღიზიანების საფუძველი გახდა. სოციალურ ქსელში უკვე არაერთი მოთხვონა გაჩნდა, რომ კონტეს ვარსკვლავი სტადიონიდან აიღონ.

აღსანიშნავია, რომ ტურინელი ქომაგების მოთხოვნა მხოლოდ ეს არაა. ისინი გამოდიან ინიციატივით, რომ კონტეს ვარსკვლავი კიდევ ერთი ლეგენდარული რვიანის, კლაუდიო მარკიზიოს ვარსკვლავით ჩაანაცვლონ.