“იუვემ” “ინტერს” უარი უთხრა და დიბალა შესაძლოა პოგბაში გაცვალოს

ტურინის „იუვენტუსში“ პაულო დიბალას მომავალი ისევ ბუნდოვანია. მიუხედავად მასიმილიანო ალეგრის გუნდიდან წასვლისა, არგენტინელმა შესაძლოა ზაფხულში ტურინი დატოვოს.

აქამდე განიხილებოდა მაურო იკარდისთან ბარტერი, მაგრამ იტალიური მედიის ცნობით, „იუვენტუსმა“ ამ წინადადებაზე უარი თქვა და ახლა პაულოს გაცვლას სხვა ფეხბურთელში შეეცდება.

საუბარი პოლ პოგბაზე, რომლის დაბრუნება „ბებერ სინიორას“ ძალიან უნდა. თავის მხრივ, „მანჩესტერი“ დიბალას ერთ-ერთი მსურველია და არაა გამორიცხული მხარეებმა გაცვლაზე შეთანხმებას მიაღწიონ.

აღსანიშნავია, რომ ორივე ფეხბურთელის სატრანსფერო ფასი დაახლოებით 100 მილიონი ევროს ფარგლებში მერყეობს.