“იუვე” – “პარმა”: ფეხბურთელთა შეფასებები

ტურინის „იუვენტუსმა“ სერია A-ს მეოცე ტურში „პარმა“ (2:1) კრიშტიანუ რონალდუს დუბლით დაამარცხა და „ინტერთან“ სხვაობა გაზარდა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6 – ყველაფერი გააკეთა რაც უნდა გაეკეთებინა კუცკას, კურტიჩისა და ერნანის შორეული დარტყმების დროს. კორნეულისის გოლის დროს კი უძლური იყო.

კუადრადო 6 – თანმიმდევრულად უტევდა, მაგრამ განსაკუთრებული ეფექტებისა და შეცდომების გარეშე.

დე ლიხტი 7 – კლდესავით იდგა, აშკარა პროგრესი, პუნქტუალური იყო მეტოქის აყვანინსას, მეორე სართულზე დომინირებდა და სპროკატის ეპოზოდში გუნდი გადაარჩინა, პრაქტიკულად გატანილ გოლს უდრიდა.

ბონუჩი 6 – ბინძური სამუშაო პრაქტიკულად დე ლიხტს დაუტოვა, თვითონ კი შეტევების დაწყებას ცდილობდა.

ალექს სანდრო 6 – ოცი წუთი ითამაშა და დაშავდა, მისი მდგომარეობა ამ ეტაპზე უცნობია.

დანილო 6.5 – კარგად ჩაერთო თამაშში, დაცვაშიც ყურადღებით იყო და შეტევაშიც. გოლამდე ცოტა დააკლდა, მეკარემ და ძელმა ხელი ერთად შეუშალეს.

რაბიო 6.5 – პირველ ტაიმში ნახევარდაცვაში „იუვეს“ მხრიდან საუკეთესო იყო.

პიანიჩი 5.5 – „იუვე“ ნელა თამაშობდა და მან ვერ შეძლო რიტმის შეცვლა. დაწინაურების შემდეგ ოდნავ გაუადვილდა ვითარება.

მატუიდი 6 – დასდევდა ყველას და დარბოდა ყველგან.

რემზი 5.5 – ხაზებს შორის ვერ მოახერხა თამაში, მხოლოდ პირველი ტაიმისბოლოს იყო სახიფათო, როცა კარს მცირედით ააცილა.

იგუაინი 6 – შევიდა და „იუვე“ ხელმეორედ დაწინაურდა.

დიბალა 6.5 – ცდილობდა თავდასხმაში სივრცეების მოძებნად. მეორე ტაიმის დასაწყისში ქუსლით დანილოს შესანიშნავი პასი გაუკეთა, მეორე გოლი კი, ნახევრად მისი დამსახურებაა.

დუგლას კოშტა შ.გ – ბრაზილიელმა ბოლო 10 წუთი ითამაშა.

რონალდუ 7.5 – დუბლი შეასრულა და მეტის გატანაც შეეძლო. ჩემპიონატში უკვე 16 გოლი აქვს, ცოტაა?