პატრის ევრა სოციალურ ქსელში ძალზე აქტიურია და დღე არ გავა სახალისო ვიდეო რომ არ განათავსოს. ამჯერად, ევრა იტალიელებს სიყვარულში გამოუტყდა და თქვა, რომ ყოველთვის იუვენტინო იყო. მიუხედავად ამისა, ის იტალიელებიც უყვარს, რომლებსაც „იუვენტუსი“ სძულთ.
„დღეს განსაკუთრებული ორშაბათია ჩემი ძვირფასი იტალიელებისთვის მსოფლიოს ნებისმიერ წერტილში. მათთვისაც, ვისაც „იუვე“ სძულს, რადგან იუვენტინო ვარ და თქვენც მიყვარხართ. მეტი პოზიტიურობაა საჭირო. იტალია არის ქვეყენა, რომელმაც კარი 17 წლის ასაკში გამიღო, მიყვარხართ სამუდამოდ, ფორცა იუვე!“, – თქვა ევრამ.
შეგახსენებთ, რომ პატრის ევრა „იუვენტუსში“ 2014-2017 წლებში თამაშობდა. იტალიაში კი მანამდე, 1999-2000 წლების სეზონში „მონცას“ რიგებშიც ირიცხებოდა.