ალექს სანდრო: “შვებულების შემდეგ ტურინში დავბრუნდები, ტიტულების მოგება მინდა”

ტურინის „იუვენტუსის“ მცველი ალექს სანდრო ბრაზილიის ნაკრების რიგებში კოპა ამერიკის გამარჯვებული გახდა.

ბრაზილიელის განცხადებით, ტიტულების მოგების სურვილი „იუვენტუსშიც“ აქვს და შვებულების შემდეგ გუნდს სწორედ ამ განწყობით დაუბრუნდება.

„პირველ რიგში დავისვენებ, ცოტა ხნით ჩემს ოჯახსა და მეგობრებთან ერთად ვიქნები. ტურინში კი ამავე აზრით დავრუნდები: კარგად ვითამაშო და ყოველდღე განვითარდე. ეროვნულ ნაკრებში გატარებული ეს დღეები შესანიშნავი იყო. განსხვავება ჩემპიონთა ლიგასა და კოპა ამერიკას შორის? ორი განსხვავებული შეჯიბრია, მაგრამ გარწმუნებთ, კოპა ამერიკის მოგებაც ძალიან რთული იყო“, – თქვა ალექს სანდრომ.