დიბალა: “მხოლოდ მარჯვენა ფეხით დარტყმა შემეძლო”

პაულო დიბალა „მილანთან“ მატჩის გმირი გახდა, რადგან „იუვენტუსმა“ მისი გოლით გაიმარჯვა. ნამატჩევს პაულომ კომენტარი გააკეთა:

„ალბათ არ გვითამაშია ჩვენი საუკეთესო თამაში, მაგრამ გამარჯვება იყო მნიშვნელოვანი, რადგან ფუნდამენტური ქულები გვჭირდებოდა. „მილანი“ ყოველთვის შესანიშნავი გუნდია და ჰყავს ფეხბურთელები, რომელთაც პრობლემების შექმნა ნებისმიერ დროს შეუძლიათ. შჩესნიმ ძალიან კარგად ითამაშა და ასევე დაცვაშიც დიდი თამაში გვქონდა.

მარჯვენა ფეხით გავიტანე? ამას არავინ ელოდა… მხოლოდ ასე შემეძლო დარტყმა და საბედნიეროდ ყველაფერი კარგად გამოვიდა. „ინტერთან“ დუელი? ახლა ჩვენს შორის დუელია, მაგრამ ჩემპიონატში კიდევ ბევრი თამაში წინაა“, – აღნიშნა დიბალამ.

შეგახსენებთ, რომ „იუვენტუსი“ სერია A-ს 32 ქულით ლიდერობს, მომდევნო მატჩს კი, 23 ნოემბერს, სტუმრად „ატალანტასთან“ ჩაატარებს.