დ’ავერსა: “გვინდა სეზონი პოზიტიური შედეგით დავიწყოთ”

ტურინის „იუვენტუსის“ მომავალი მეტოქის, „პარმას“ მთავარმა მწვრთნელმა რობერტო დ’ავერსამ კომენტარი გააკეთა, იტალიელი სპეციალისტის განცხადებით, მის გუნდს 100%-ზე მეტად დახარჯვა მოუწევს დადებითი შედეგის მისაღწევად.

„ქალაქი ელოდება ამ შეხვედრას. გვინდა ქულები ჩემპიონატის ყველაზე ძლიერი გუნდის წინააღმდეგ მოვიპოვოთ. დარწმუნებული ვარ, პუბლიკა მუხტს მოგვცემს და ჩვენ ყველაფერს გავაკეთებთ. ჩვენ მძიმე სამუშაო გამოვიარეთ, რთული იქნება, მაგრამ გვინდა პოზიტიურ შედეგს მივაღწიოთ, ამისთვის კი 100%-ით დახარჯვა საკმარისი არ იქნება და მეტია საჭირო.

„იუვენტუსთან“ ახლა თამაში უკეთესია? არა, უმჯობესია მაშინ, როდესაც სკუდეტო უკვე მოგებული აქვს. ყველა შემთხვევაში ჩვენ ჩვენს სახლში ვიყურებით. „იუვე“ ძალიან ძლიერია და დარწმუნებული ვარ უპირატესობა არ გვექნება. სარის გუნდი ალეგრისგან განსხვავებულ ფეხბურთს თამაშობს, უფრო მეტი ყურადღება ორგანიზებასა და ბურთის ფლობას ეთმობა“, – თქვა დ’ავერსამ.

შეგახსენებთ, რომ „პარმასა“ და „იუვენტუსის“ შეხვედრა 24 აგვისტოს, თბილისის დროით 20:00 საათზე დაიწყება.