დანი ალვეში და “იუვეს” წარმომადგენლები შესაძლოა ტურინში შეხვდნენ

დანი ალვეშის „იუვენტუსში“ შესაძლო დაბრუნებაზე საუბარი დღითიდღე აქტუალური ხდება. ბრაზილიელი ამჟამად თავისუფალი აგენტია და იტალიურ გუნდს საკუთარ თავი თავად შესთავაზა.

Goal-ის ცნობით, ფეხბურთელი და „იუვეს“ ხელმძღვანელები შესაძლოა სულ მალე ტურინში ერთმანეთს შეხვდნენ და ტრანსფერი განიხილონ.

თუმცა, ეს არ იქნება ადვილი გარიგება, მეტწილად ხელფასის გამო – 36 წლის მცველი საკმაოდ სოლიდურ გასამრჯელოს, 7 მილიონ ევროს ითხოვს, რაც იტალიურ კლუბს ეძვირება.

ალვეშს „იუვენტუსის“ გარდა, „ინტერისა“ და „მანჩესტერ სიტის“ ვარიანტებიც გააჩნია.

შეგახსენებთ, რომ დანი ალვეში „იუვეში“ 2016-2017 წლების სეზონში თამაშობდა, მაგრამ კონტრაქტი ვადაზე ადრე გაწყდა და გუნდი ერთი სეზონის შემდეგ დატოვა. თუმცა, ის სეზონი საკმაოდ მაღალ დონეზე ჩაატარა.