პერინი “ბენფიკაში” გადადის, “იუვე” ახალგაზრდა მცველს მიიღებს

მატია პერინის „იუვენტუსიდან“ წასვლა გადაწყვეტილია და მეტიც, თითქმის „ბენფიკას“ ფეხბურთელია.

Sportmediaset-ის ინფორმაციით, უახლოეს საათებში პერინი ლისაბონში ჩაფრინდება, სამედიცინო შემოწმებას გაივლის და კონტრაქტს გააფორმებს.

გარიგების თანახმად, „იუვენტუსი“ ლუზიტანელთა ახალგაზრდა მარჯვენა მცველს, 18 წლის ჟოაო ფერეირას მიიღებს, რომელმაც გასული სეზონი 23 წლამდე გუნდში გაატარა.

შეგახსენებთ, რომ პერინი „იუვენტუსს“ ერთი წლის წინ შეუერთდა, მაგრამ ვოიცეხ შჩესნისთან კონკურენციას ვერ გაუძლო და ჯანლუიჯი ბუფონის დაბრუნების შემდეგ ტურინში მისთვის ადგილი აღარ დარჩა.