ბუფონმა “იუვენტუსში” დაბრუნებისთვის 5 გუნდს უარი უთხრა

ჯანლუიჯი ბუფონმა ტურინის „იუვენტუსში“ დაბრუნებისთვის უარით 5 გუნდი გაისტუმრა. აღნიშნულ ინფორმაციას Tuttojuve ავრცელებს.

როგორც ხსენებული წყარო იტყობინება, ჯიჯის „მანჩესტერ სიტი“, „მანჩესტერ იუნაიტედი“, „ვესტ ჰემი“, „პორტუ“ და „პარმა“ იწვევდნენ, მაგრამ თავად „იუვეში“ დაბრუნება სურდა.

შეგახსენებთ, რომ ბუფონი „ბებერ სინიორას“ ერთწლიანი განშორების შემდეგ დაუბრუნდა და გუნდთან კონტრაქტი 2020 წლის ზაფხულამდე გააფორმა.