დანი ალვეშმა “იუვენტუსს” საკუთარი თავი შესთავაზა

ბრაზილიელმა მცველმა დანი ალვეშმა, რომელიც თავისუფალი აგენტია, საკუთარი თავი ტურინის „იუვენტუსს“ შესთავაზა. აღნიშნულ ინფორმაციას იტალიური მედია ავრცელებს.

თუმცა, ტურინელთა გეგმებში 36 წლის ფეხბურთელთან თანამშრომლობა არ შედის და უპირველეს ყოვლისა მისი მაღალი გასამრჯელოს გამო, რომელიც მინიმუმ 7 მილიონ ევროს შეადგენს.

მიუხედავად ამისა, თუ გუნდს ჟოაუ კანსელუ დატოვებს, რის შესახებაც სპეკულაციები არ წყდება, ტურინელებს მარჯვენა მცველის შეძენის აუცილებლობის საკითხი დღის წესრიგში დაუდგებათ.

შეგახსენებთ, რომ დანი ალვეში „იუვეში“ 2016-2017 წლების სეზონში უკვე თამაშობდა.