Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ მეკარემ ჯანლუიჯი ბუფონმა განაცხადა, რომ 14 წლის წინ, როდესაც სერია B-ში თამაშს დათანხმდა, ბევრ რამეზე უარის თქმა მოუწია. მაგალითად „ოქროს ბურთზე“, რომლის მოგება 2006 წელს შეეძლო.
„იმ მომენტში ბევრ რამეზე უარი ვთქვი. 28 წლის ვიყავი, ჩემი კარიერის პიკზე, მუნდიალი ახალი მოგებული მქონდა, „ოქროს ბურთისთვის“ ვიბრძოდი. სხვა არჩევანი რომ გამეკეთებინა, ბევრი რამ შეიცვლებოდა, მაგრამ დარწმუნებული ვიყავი, რომ თუ კარგად მოვიქცეოდი, ცხოვრება ყველაფერს უკან დამიბრუნებდა. და თუ დღეს 42 წლის ასაკში აქ ვარ, ეს 14 წლის წინ გაკეთებული არჩევნის დამსახურებაა, როდესაც რაღაცებზე უარი ვთქვი.
სამყაროს შუაგულში ეს იყო იმის შესაძლებლობა, რომ ძლიერი სიგნალი მიმეწოდებინა ყველა ბიჭისთვის, ვისაც ეს ვნება გააჩნია. ამგვარი სიგნალის მიცემა მხოლოდ იმ შემთხვევაში შეგიძლიათ თუ თქვენ პირველი ხართ, ვინც უარს იტყვის რაიმე მნიშვნელოვანზე “, – აღნიშნა ბუფონმა.
