ტურინის იუვენტუსის ლეგენდარული მეკარე, ჯანლუიჯი ბუფონი კარიერის დასრულებას მიმდინარე სეზონის ბოლოსაც არ აპირებს.
იტალიური მედია ამის შესახებ აქტიურად წერს და აღნიშნავს, რომ ჯიჯი და „იუვე“ 2021 წლის ზაფხულამდე კონტრაქტის გახანგრძლივებაზე მუშაობენ.
ამრიგად, ბუფონი სავარაუდოდ მომდევნო სეზონშიც დიდ ფეხბურთში იქნება და საყვარელი საქმის კეთებას გააგრძელებს.
აქვე გეტყვით, რომ ბუფონი დღეს სერია A-ში 647-ე მატჩს ჩაატარებს და პაოლო მალდინის გაუთანაბრდება იტალიის ჩემპიონატში ჩატარებული მატჩების რაოდენობით.