“ატალანტას” მწვრთნელი: “ჩვენს სასარგებლოდ დანიშნული პენალტი ჩვენს კარში რომ დაენიშნათ, აღვშფოთდებოდი”

ბერგამოს „ატალანტას“ მთავარმა მწვრთნელმა ჯამპიერო გასპერინიმ „იუვენტუსთან“ მატჩის შემდეგ ისაუბრა. იტალიელმა სპეციალისტმა საინტერესო განცხადება გააკეთა და თქვა, რომ პენალტი, რომელიც „ატალანტას“ სასარგებლოდ დაინიშნა, ძალიან საეჭვო იყო.

„რა თქმა უნდა, დამწუხრებული ვართ. „იუვენტუსის“ გოლამდე ჩვენ გამარჯვება დავიმსახურეთ. მატჩის ბოლოს „ბიანკონერის“ თავდამსხმელების ხარისხმა თამაშის ბედი შეცვალა. ვწუხვარ, რომ ჩვენმა რამდენიმე მნიშვნელოვანმა ფეხბურთელმა თამაში ვერ მოახერხა.

ხელით თამაში? რამდენიმე საეჭვო ეპიზოდი იყო. მაგალითად პენალტი, რომელიც ჩვენს სასარგებლო დანიშნეს, ძალიან საეჭვო იყო. ასეთი პენალტი ჩვენს კარში რომ დაენიშნათ, აღშფოთებული ვიქნებოდი. ვხედავთ, რომ დიდი დაბნეულობაა ხელით თამაშზე და განსხვავებული ინტერპეტაციები არსებობს. არ არსებობს ჭეშმარიტება და სიცხადე“, – განაცხადა გასპერინიმ.