მთავარი / სიახლეები / “ატალანტა” – “იუვე”: ფეხბურთელთა შეფასებები

“ატალანტა” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს მე-18 ტურში ბერგამოს „ატალანტასთან“ (2:2) ქულა მოიპოვა. გთავაზობთ ფეხბურთელთა შეფასებებს Tuttosport-ის ვერსიით:

შჩესნი 6.5 – გაშვებულ გოლებში მისი წვლილი არაა. მინიმუმ ორჯერ კი, საკუთარი გუნდი მესამე გაშვებული გოლისგან გადაარჩინა.

დე შილიო 6 – ეპიზოდურად შეტევაში კარგად ერთვებოდა. თუმცა, წინა მატჩები უკეთესად ჩაატარა.

ბონუჩი 5 – ეს არაა ჩვეულებრივი ბონუჩი. პირველი გოლის დროს ძაპატას წინააღმდეგობა უბრალოდ ვერ გაუწია.

კიელინი 6 – სამაგალითოა მისი თამაშის დონე.

ალექს სანდრო 6 – პირველ გოლში მისი წვლილი დიდია. მერე კი, ბრძოლაში იყო ბოლო წუთამდე.

ხედირა 5 – 11 ნოემბრის შემდეგ დაბრუნდა ძირითად შემადგენლობაში მატუიდის სიცხის წყალობით. ნათელია, რომ ფორმაში შესასვლელად დრო სჭირდება.

რონალდუ 7 – შემოვიდა და გარდატეხა შეიტანა. მოედანზე შესვლიდან 13 წუთში მოახერხა გოლის გატანა, რომელმაც „იუვე“ წაგებისგან იხსნა.

ემრე ჯანი 5 – სერიოზული შეცდომა დაუშვა. საჯარიმოში ძაპატა დაკარგა და ანგარიში 2:1 გახდა.

ბენტანკური 5 – გოლთან ახლოს იყო, მაგრამ ხარიხამ შეუშალა ხელი. თუმცა, შემდეგ თავი დაკარგა და გუნდი დააღალატა.

დიბალა 6 – კვლავ ინტელექტუალურად თამაშობს.

მანჯუკიჩი 6 – როგორც ყოველთვის მნიშვნელოვანი. არ გაუტანია, მაგრამ საგოლე პასი გააკეთა და დაცვაშიც დიდი სამუშაო შეასრულა.

დუგლას კოშტა 5.5 – მიმდინარე სეზონში ვერ აჩვენებს იმას, რასაც შარშან აკეთებდა.

პიანიჩი 6.5 – მისი გამოსვლაც გადამწყვეტი აღმოჩნდა. ცენტრში თამაში დაალაგა და მეორე გოლის დროს კუთხურიც კარგად ჩააწოდა.

შემთხვევითი სიახლე

არკადიუშ მილიკის ტრავმა სერიოზულია

ტურინის „იუვენტუსის“ თავდამსხმელ არკადიუშ მილიკს სამედიცინო გამოკვლევა ჩაუტარდა, რომელმაც ტრავმის სერიოზულად დაადასტურა. პოლონელ ფეხბურთელს ბარძაყი …

დელ პიერო: “ფეხბურთელებმა უღირსი შეცდომები დაუშვეს, ალეგრიც პასუხისმგებელია”

ალესანდრო დელ პიერომ „მონცასთან“ მატჩის შემდეგ „იუვენტუსის“ შესახებ კომენტარი გააკეთა. როგორც მან თქვა, ფეხბურთელებმა უღირსი …