ტურინის „იუვენტუსმა“ სერია A-ს მეორე ტურში „ნაპოლისთან“ მატჩის ბილეთების გაყიდვა დაიწყო, რომელიც 31 აგვისტომდე გაგრძელდება. ამავდროულად ეს იქნება 2019-2020 წლების სეზონში ტურინელთა პირველი საშინაო მატჩი.
თუმცა, ბილეთები არ გაიყიდება „ნაპოლის“ გულშემატკივრებისთვის, რომლებიც კამპანიის რეგიონში დაიბადნენ. ამას დიდი გამოხმაურება მოჰყვა იტალიელ ქომაგებში, ხოლო პოლიტიკოსმა ფლავია სორენტინომ „იუვე“ რასიზმსა და ტერიტორიულ დისკრიმინაციაში დაადანაშაულა.
„იუვენტუსმა“ აღნიშნული გადაწყვეტილება უსაფრთხოების ზომების მიღების მოტივით ახსნა.
შეგახსენებთ, რომ „იუვესა“ და „ნაპოლის“ მატჩი 31 აგვისტოს, „ალიანც სთედიუმზე“ გაიმართება.