“ნაპოლი” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს მესამე ტურში „ნაპოლისთან“ 1:2 წააგო. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 4.5 – ინსინიეს დარტყმა იკითხებოდა, მან ცუდად მოიგერია და პოლიტანომ დაამატა, სანამ მან რაბიო უყურებდა. მეორე გოლზე რეაგირება მოახდინა, მაგრამ ჩაწოდებას უბრალოდ უყურებდა.

დე შილიო 6 – მას ინსინიეს გაკონტროლება ევალებოდა და ეს პრინციპში კარგად მოახერხა, მარცხნივ უფრო გაუჭირდა.

ბონუჩი 6.5 – ოსიმენი გამოცდილების ხარჯზე გააკონტროლა.

კიელინი 6 – მტკივნეული მატჩების თამაში მან იცის.

პელეგრინი 6 – პოლიტანო მკაცრი მეტოქეა, მან დაცვაში კარგად ითამაშა, მეორე ტაიმში ტრავმა მიიღო.

დე ლიხტი 6 – 1:1-ზე შევიდა და სამკაციან დაცვაში ადატპირებას ცდილობდა.

ბერნარდესკი 5.5 – პირველი ტაიმი ნორმალურად ჩაატარა, მეორე ტაიმში გაუჭირდ ადა მარტივი შეცდომების დაშვება დაიწყო.

მაკკენი 5.5 – მოედანზე პრაქტიკულად არ ჩანდა.

რემზი 6 – ნახევარდაცვაში წესრიგის დამყარებას ცდილობდა.

ლოკატელი 6.5 – ის ძლიერია, ძალიან ძლიერი. კარგად კითხულობს თამაშს, ბურთის გარეშეც. ფიზიკურად ძლიერია, ხარისხიც აქვს, გამოცდილება კი მალე მოვა.

რაბიო 5 – მანკუსოს შემდეგ ამჯერად პოლიტანო დაკარგა საჯარიმოში. თავდახრილი თამაშობს და ყოველთვის კედელს ეჯახება.

კულუშევსკი 6 – პირველ ტაიმში კარგად ითამაშა, საგოლე მომენტიც ჰქონდა, მეორე ტაიმში გაქრა.

მორატა 7 – თავდასხმის ხაზში მარტო თამაშობდა, მანოლასს ბურთი მოპარა, ასე კარგი თამაში სიახლე არ არის, მთავარია სტაბილურობა იპოვოს.

კინი 4.5 – თამაშში ჩაერთო და „ნაპოლის“ გადამწყვეტი გოლი გაატანინა. უარესი დებიუტი არ შეიძლებოდა, რომ ჰქონოდა.

ალეგრი 5.5 – დააყენა შემადგენლობა, რომელსაც ალბათ ვერასდროს ვნახავთ, გარკვეული პერიოდის განმავლობაში ყველაფერი კარგად მიდიოდა, მატჩის ყველა გოლი საჩუქარია, მაგრამ „იუვემ“ ერთით მეტი საჩუქარი გააკეთა.