“ბოლონია” – “იუვენტუსი”: ფეხბურთელთა შეფასებები

ტურინის „იუვენტუსმა“ სერია A-ს მე-18 ტურში „ბოლონია“ ალვარო მორატასა და ხუან კუადრადოს გოლებით 2:0 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6.5 – ყოველ ჯერზე, როცა ის საჭიროა, ადგილზე იყო და გამარჯვებაში წვლილი შეიტანა.

კუადრადო 7 – ამ ეტაპზე ძალიან გაუმართლა. „ფიორენტინასთან“ გადამწყვეტი გოლი, „ჯენოასთან“ კუთხურიდან და ახლაც გოლი. ის ყოველთვის საჭირო ადგილზე იყო.

ბონუჩი 7 – ძალიან კარგად ითამაშა და დაცვას ულიდერა.

დე ლიხტი 6.5 – ბონუჩიზე ნაკლებად კარგი, მაგრამ თავისი ფიზიკური ძალით ახერხებდა თავიდან აეცილებინა დიდი პრობლემები სულ მცირე რამდენჯერმე.

პელეგრინი 6 – უფრო ცუდი იყო, ვიდრე სხვა მატჩებში, მაგრამ მაინც საკმარისად კარგი. კუნთის დაზიანება მიიღო, მაგრამ ეს გასაკვირი არ არის, მის ისტორიას თუ გადავხედავთ.

ალექს სანდრო 6 – საშინაო დავალებებით შემოიფარგლა.

მაკკენი 6 – მნიშვნელოვანი დაბრუნება. მას შეუძლია ყველაზე სახიფათო ნახევარმცველი იყოს, მაგრამ უჩვეულოდაც ნერვიულობდა.

ბენტანკური 6 – ჩვეულებრივი სამუშაო შეასრულა.

არტური 6 – დაცვის წინ თამაშობდა, განსაკუთრებული ეფექტის გარეშე.

ლოკატელი 6 – დაცვას კარგად დაეხმარა.

რაბიო 5.5 – ძალიან ბევრ შეცდომას უშვებდა.

ბერნარდესკი 7 – ისევ გადამწყვეტი საგოლე პასი, ის იზრდება და მიუხედავად იმისა, რომ გოლს კვლავ ვერ იტანს, მაინც გადამწყვეტია.

მორატა 7 – შესანიშნავი გოლით ანგარიში გახსნა და პოზიტიური სერია აქვს.

კაიო ჟორჟე შ.გ – მან მხოლოდ რამდენიმე წუთი ითამაშა.

კინი 6 – 4-3-3-ში გარემარბი იყო, მაგრამ თავისი კვალი ვერ დატოვა.

კულუშევსკი 6 – ბოლოს გოლთან ახლოს იყო.

ალეგრი 6.5 – ამჯერად როტაციას თავი კარგად გაართვა, დიბალას გარეშე 4-3-3-ს დაუბრუნდა, რამაც საშუალება მისცა მეტ-ნაკლებად ყველა თავის პოზიციაზე დაეყენებინა. „ატალანტასთან“ სხვაობა 3 ქულით შეამცირა, მნიშვნელოვანი გამარჯვებაა.