“ფიორენტინა” – “იუვე”: ფეხბურთელთა შეფასებები

ტურინის „იუვენტუსმა“ სეზონის ბოლო შეხვედრა ფლორენციაში „ფიორენტინასთან“ ჩაატარა და 0:2 დამარცხდა. გთავაზობთ ფეხბურთელთა შეფასებებს Calciomercato-ს ვერსიით:

პერინი 6 – გააკეთა ის, რაც უნდა გაეკეთებინა, დანკანის დიაგონალური დარტყმა კი აუღებელი იყო.

პინსოლიო 6.5 – ბოლო ტურში მისი ჯერი დადგა და მხოლოდ პენალტის ნიშნულიდან დაჯაბნეს.

დე ლიხტი 6 – ბონავენტურას გოლისგან გუნდი იხსნა, სამკაციან დაცვაში ითამაშა, რაც შეიძლება მომდევნო სეზონისთვის მინიშნება იყოს.

ბონუჩი 5.5 – მისთვის სეზონი აკიდებული პენალტით დასრულდა.

კიელინი 6 – „ბიანკონერიში“ ბოლო მატჩში (561-ე) თავის დაზიანება რომ არ მიეღო, არ შეიძლებოდა.

რუგანი 6 – თავისი საქმე გააკეთა.

ბერნარდესკი 5 – „ლაციოსთან“ კარგი იყო, „ფიორენტინასთან“ – ცუდი. ამ 5 წელში მას კვალი არ დაუტოვებია და კლუბს არ ექნება მის მიმართ სინანული, თუნდაც მომდევნო გუნდში კარგად ათამაშდეს.

აკე 6 – შეტევა ვერ გააქტიურა, მაგრამ არც უწვალია.

მირეტი 5.5 – ამჯერად გაუჭირდა, „ფიორენტინას“ ნახევარდაცვა იკბინებოდა.

მაკკენი შ.გ – თებერვლის შემდეგ პირველად ითამაშა.

ლოკატელი 6 – სეზონის ბოლო თამაში კარგად ჩაატარა, მაგრამ მომდევნო სეზონში მასაც მოუწევს მომატება.

რაბიო 5.5 – ბევრი რამ არასწორად გააკეთა.

ალექს სანდრო 6 – როდესაც „ფიორენტინა“ მისი ზონიდან უტევდა, თავს კარგად იცავდა, მაგრამ ის სტაბილურად ვერ თამაშობს.

დიბალა 5.5 – ცდილობს გაბრწყინებას, მაგრამ რამდენიმე სტერილურ განათებას ვერ გასცდა.

კინი 5 – მოტივაცია წესით არ უნდა აკლდეს, მაგრამ ამჯერადაც დაკარგული იყო. მიიღო ყვითელი ბარათი და მომდევნო სეზონის პირველ თამაშს გამოტოვებს.

ვლაჰოვიჩი შ.გ – მან ბოლო 15 წუთი ითამაშა.

ალეგრი 5 – ყველაფერი გასაგებია – დამშვიდობებები და დანაკლისი, ფეხბურთელები ფორმისგან შორს და მოტივაციის გარეშე, მაგრამ სეზონის დასრულება კარში დარტყმის გარეშე უბრალოდ კარგი არ არის.