საინტერესო ფაქტები და სტატისტიკა “იუვე” – “ვერონას” მატჩიდან

ტურინის „იუვენტუსმა“ სერია A-ს 24-ე ტურში „ვერონა“ დუშან ვლაჰოვიჩისა და დენის ზაკარიას გოლებით 2:0 დაამარცხა. გთავაზობთ ამ მატჩის შემდეგ დაფიქსირებულ საინტერესო ფაქტებსა და დეტალებს.

9 – გასული წლის ნოემბრიდან მოყოლებული, „იუვენტუსი“ არის გუნდი, რომელმაც ევროპის ტოპ ხუთ ჩემპიონატში ყველაზე მეტჯერ მოახერხა კარის მშრალად შენახვა: 13 მატჩიდან 9-ჯერ.

2 – „იუვეს“ ისტორიაში მხოლოდ მეორე მოხდა, რომ ერთ მატჩში გოლი ორმა ისეთმა ფეხბურთელმა გაიტანა, რომელთაც დებიუტი ჰქონდათ. ვლაჰოვიჩი-ზაკარიამდე, იგივე 2011 წლის 11 სექტემბერს, სტეფან ლიხშტაინერმა და არტურო ვიდალმა გააკეთეს „პარმასთან“ მატჩში.

2 – მხოლოდ რობერტ ლევანდოვსკის (24) აქვს უფრო მეტი გატანილი გოლი ტოპლიგებში მიმდინარე სეზონში, ვიდრე დუშან ვლაჰოვიჩს (18).

3 – 2010 წლის შემდეგ დუშან ვლაჰოვიჩი მესამე თავდამსხმელი გახდა, რომელმაც „იუვენტუსში“ სადებიუტო მატჩში გოლი გაიტანა – კარლოს ტევესისა (2013) და გონსალო იგუაინის (2016) შემდეგ.

3 – ალვარო მორატამ და პაულო დიბალამ მესამედ მოახერხეს ერთ მატჩში ორივემ საგოლე პასის გაკეთება. მანამდე ეს მოხდა 2015 წლის ნოემბერში „პალერმოსთან“ და 2016 წლის მაისში „სამპდორიასთან“.